EDITORYAL - Ang presidente maoy gamhanan

Gibasura sa Sandiganbayan 4th Division ang kaso batok kang kanhi presidente Benigno Simeon Aquino III bahin sa Mamasapano Massacre niadtong 2015.

Daghan gyud ang mangasuko ilabi na nakondisyon na ang hunahuna sa mga tawo nga sad-an ang kanhi pangulo sa kamatayon sa 44 ka mga sakop sa PNP-Special Action Force.

Nagamit pa kini sa politika ug matag-karon ug unya mogawas sa mga social media sites ang padayong pagpamasangil batok sa kanhi pangulo.

Ang Sandiganbayan midason sa baruganan sa Office of the Ombudsman nga nag-ingong wala silay nakitang basehan aron pakasad-on ang kanhi presidente sa maong masaker. Si Aquino gipasanginlang maoy naghatag og pagtugot sa suspendidong kanhi PNP Chief nga si Alan Purisima nga moapil sa pagplano ug pagpatuman sa Oplan Exodus nga gipangulohan ni kanhi PNP-SAF director Getulio Napeñas Jr. Target sa maong operasyon ang Malaysian terrorist nga si Zulkifli bin Hir alyas Marwan ug ang Maguindanaoan nga si Abdul Basil Usman. Napatay si Marwan sa maong misyon apan nakaikyas si Basit.

Apan tungod kay duol kaayo ang kampo sa mga teroristang Bangsamoro Islamic Freedom Fighters nga maoy nagpapuyo kang Marwan sa kampo sa mga rebeldeng Moro Islamic Liberation Front (MILF) naipit ang pwersa sa SAF.

Nagbinasolay ang tanan sa maong hitabo ug usa si Aquino sa gikasohan sa Volunteers Against Crime and Corruption (VACC) in November 2017 ug si kanhi Ombudsman Conchita Morales-Carpio mipasaka sa kaso batok sa tulo. Ang presidente gikasohan og kalapasan sa Section 3 (a) of Republic Act 3019 o Anti-Graft and Corrupt Practices, ug usurpation of official functions under Article 177 of the Revised Penal Code uban sa kasong 44 counts of homicide. Apan ang bag-ong Ombudsman namahayag nga si Aquino ang presidente sa nasud adtong panahona ug siya maoy kinagamhanang opisyal ug dili mahimong manggamit og gahum sa mas ubos pa niya.

Una nang nabasura ang kaso sa 44-counts of homicide batok ni Aquino apan ang kaso nilang

Purisima ug Napeñas padayon.