Fake news

Maghisgot ta’g fake news kun kining mga taho nga makalibog sa tawo, walay klarong tinubdan, kansang tuyo mao lamang ang pagsabwag sa mga bakak nga kasayoran aron sa pag-demoralize sa hingtungdang recipient niini.

Ang resulta, magbaton kita’g kayugot batok sa buot dauton sa nagpasiugda sa fake news. Specifically, duha ka fake news ang gilawog nganhi kanatong mga senior citizens.

Una, ilang gipatuo nga giwagtang kono ni Mayor Edgar Labella ang financial assistance alang kanatong mga senior citizens. Ikaduha, ang ubang tinubdan sa fake news mohatag og petsa ug adlaw sa pagpanghatag sa financial assistance.

Of course, dakung bakak kining duha ka kasayoran. Una sa tanan, sa ato nang gitin-aw dinhi, ang financial assistance gipasikad sa usa ka ordinansa ... sa ato pa, usa na kini ka balaud, busa dili ma-dihadiha pagwagtang o pag-rescind niining maong ordinansa. Unless dunay laing ordinansa nga mag-revoke o pag-nullify niini. Himuon kaha ni sa atong mga konsehal karon?

Unya, kining kalangan sa pagpanghatag sa financial assistance, dili kini tinuyo. Sa ato nang nahisgutan dinhi, ang budget nga gi-allocate sa niaging administrasyon kutob lang sa Hunyo niining tuiga. Sa ato pa, magkinahanglan kita’g dugang allocation (supplemental budget) to cover the remaining six months (July – December) karong tuiga.

Ug kining tanan, moagi pag mga processes nga dili ma-dihadiha. Busa, maghuwat lang ta kanus-a gayud mapanghatag ang financial assistance, nga kun maabtan sa Septembre, balig tulo ka bulan tingali (P3,000.00) ang atong madawat.

* * *

Niay akong i-share ninyo, kining usa ka sinuwat ni Wilson Lee Flores sa Philippine Star giulohan How to have a winning attitude. Literally, nagpasabot unsaon nga  magmadaugon kita kanunay sa bisan unsa natong mga paningkamot. So, magkalabutan kini sa atong attitude, kon unsay atong pagtan-aw sa mga panghitabo o mga butang nga nag-alirong kanato.

Initially, moingon ka nga: “I can because I think I can.” Sa ato pa, kun sa imong hunahuna mahimo nimo ang buot nimong buhaton, mabuhat gayud nimo ang buot nimong buhaton. On the other hand, kun sa imong hunahuna dili nimo mahimo ang buot nimong buhaton, dili gyud ka magmalampuson pagbuhat sa buot nimong buhaton.

So, it’s a matter of attitude. Suma pa, giingon nga: The difference between a bad day and a good day is your attitude. So, ikaw ra gyud ang magbuot kon ang imong adlaw bad or good ba.

Dugang niini,ato kining kutluon: “The pessimist sees difficulty in every opportunity. The optimist sees opportunity in every difficulty.” Kinutlo kini gikan ni Winston Churchill (kaila mo niya?) So, kun pessimist ka, kalisdanan ang imong makita sa tanang kahigayonan o oportunidad; samtang kun optimist ka, maoy imong makita ang mahayag nga kahigayonan sa matag kalisdanan.

Unya, ania: Never give up. Do not be discouraged by rejections and setback. As long as we are alive, we still have hope to win.” Bitaw, samtang buhi pa kita, aduna pay paglaum nga magmadaugon da kita sa kaulahian.

Unya: “Keep your heart free from hate, your mind from worry. Live simply. Expect little, Give much.” Likayi ang pagdumot, ayaw padala sa kaguol, simple o yanong pagpuyo, ayaw pagpaabot og daghan, instead, hatag og daghan. Lisud no?