Gamiton na sa tag-iya ang balay nga gipaabangan

Dear Atty. Divine,

Duna koy gipaabangan nga balay nga ang term good for one year. After a year, mi extend ang nag-abang ug misugot ra sad ko kay wa pa man namo gamita ang property so nahulog nga renewable every month ang iyang pag-abang. Karon, ako na untang gamiton ang property kay mouli akong anak karong Nobiyembre gikan sa gawas ug anha nako papuy-on. Wa pa nako masultihi ang nag-abang. Ang akong pangutana kun makapugong ba ang nag-abang kun ako nang gamiton ang property? Unsay angay nakong buhaton? Daghang salamat.

Liza

* * *

Dear Liza,

Basi sa RA 9653 nga nag-regulate sa pagpa rent sa mga residential units kini nagkanayon nga mamahimong papahawaon ang nag-abang kun mi end na ang contract or napakyas sa pagbayad sa rental sud na sa pipila ka buwan or kun gamiton na ang property sa tag-iya, provided nga mi end na ang contract, ug gipahibawo ang nag-abang 3 months sa dili pa kuhaon pagbalik ang property ug  kinahanglan nga dili kini paabangan og lain within a year gikan sa pagkuha.

Sa imo nga kaso, mi end na ang contract ug nag-monthly  nalang ang renewal niini, og gamiton na  nimo ang balay so dunay legal basis ang imong pagpapahawa kanila. Ang imong unang buhaton mao ang pagpadala og notice sa nag rent  nga imo nang kuhaon ang property aron sila makapangita og kabalhinan. Thanks and God bless.

Atty. Divine

* * *

Alang sa inyong pangutana ipadala lang sa Legal Corner sa Banat News or email sa [email protected] ug akong tubagon ang inyong pangutana  pinaagi sa akong column matag Miyerkules, Sabado ug Domingo.