Ang tribute sa mga bata

Katapusan nakong monthly mass didto sa Bagakay Elementary School. Nagdali unta kong mobiya apan duna diay giandam ang mga kabataan nga hamubong programa. Mao nga akong gitiwas og sud-ong ang maong programa. Ilang gihimoan og interpretasyon ang awit ni Ka Freddie nga Anak. Daw sa mitulo hapit ang akong mga luha tungod kay natandog kaayo ko sa ilang effort dinuyogan sa ilang mga maestro. Dunay mga pagtulon-an ang akong nakat-onan.

1. Una ang kabataan daghan kaayong ikahatag nga pagtulon-an. Ang ilang kamatinud—anon dako kaayo og kahimoan aron mamahimong ma appreciate nato kayano sa kinabuhi.

2.  Ikaduha ang matag bata simbolo sa paglaum. Nakita ko nila ang usa ka malaumong pakigbisog sa kinabuhi nga puno sa hulga ug pagsulay.

3.  Ang ilang kanta nga Anak nipahiumdom nako nga bisan pa man kun edaran nako nahimong dunay mga higayon nga ako mismo nahisalaag. Nahisalaag tungod kay nagmagahi akong maminaw sa pagtulon-an sa mga edaran.

4. Ang maong kasinatian nipahinumdom nako nga bililhon diay ang katilingban kay sa bisan unsang kabtangan.

Binitbit ang maong kasinatian nipadayon ko padung sa dakbayan kay motambong sa kasaulogan sa The Freeman ug didto wala ko magdahum nga lakip sab diay ko nga gigantihan. Salamat gyud sa Banat ug Freeman family ning maong pasidungog. Garbo ko ang mahimong kabahin kaninyo.  Ako pud nga nahimamat ug gikahinabi si Fr. Roy Cimagala ug kining maong pari nakatudlo pud kanato og daghang mga butang kun ako kwarenta na karon siya naordinahan ning maong pangidaron. Gitudloan ako niya nga diha sa kinabuhi mahinungdanon ang mapasalamatong pagpaambit sa gasa sa Dios.Ug sama sa mga bata himoa kini sa paagi nga matinud-anon.