4Ps

Kini ang unod sa wali ni padre Benjie Herera sa dihang gihimo ni Padre Bense Mante ang iyang unang Misa sa parokya ni San Sebastian sa Borbon, Cebu. Kini nagpasabot ning mosunod:

1. POOR kun kabus. Ang tawo dunay gitawag nato og kasinatian sa kakabus. Ako gani kaniadto ug bisan karon nahimo mang nakasinati sa kakabus. Lisud baya ning kabus kay masinati nato ang kakuwangan. Apan sa laing bahin ang kakabus nahimong positibo kay dili man kita mamahimong hulga ngato sa uban.

2. PRIDE kun garbo dili sa negatibong paagi kondili sa paagi bisan unsa nga atong madawat ato gyud ampingan ug dili nato pasagdan o dili ba kaha ato lang biyaan.

3. PRIEST ug tungod niini nahimo siyanng linain sa uban ug the more nga iyang himoong kabahin sa iyang kinabuhi ang magpaampo sa uban.

4. PATIENCE- kun pailob. Kay diha sa pagkab-ot sa atong gusto kinahanglan natong patas-an ang atong pailob.

Daghan kanato ang dili buot moangkon nga kita kabus tungod kay gipakagamay nato kini ug giisip nato kining tunglo. Sa laing bahin buot nato ang mamahimong dato sa pagtuo nga kita pagatahuron tungod sa bisan unsa nga atong nahuptan.

Daghan nato ang nawad-an sa husto nga garbo tungod kay ato mang pagtan-aw nahimo kitang gikawatan sa atong paglaum. Napupos ang atong kinabuhi sa pag-ampo kay nahimong idlas alang kanato ang grasya. Ang pagpailob ingon nga birtud nahimong usa ka dakong balighot sa mga tawong nagdali ug sa mga tawong walay pagpugong. Ang 4Ps nahimong pahinumdom nga sa kinabuhi diay kinahanglanon gyud ang proseso.