Makadawat ba og retirement pay ang usa ka part time employee?
Dear Atty. Divine:
Ang akong bana gikatakda nang moretiro next year. Dugay na siyang nagtrabaho sa iyang company but part time lang. Kun mo-retire siya makadawat ba siya og retirement benefit sa maong company bisan part time employee lang siya? Daghang salamat.
Megan
* * *
Dear Megan,
Basi sa Republic Act 7641 kun ang empleyado moabot na og 60 ngadto 65 years old nga maoy mandatory age for retirement og nakaserbisyo na siya og dili mominus lima ka tuig sa maong company then mamahimo na siyang mo-retire sa iyang trabaho ug ang kompaniya obligado nga mohatag kaniya og retirement benefits basi sa ilang retirement plan. Kun way retirement plan ang employer dapat mohatag ang employer og 1/2 month per year of service isip retirement pay sa kawani. Base sa implementing Rules sa maong balaod kini nagkanayon nga covered niini ang tanang empleyado sa private sector regardless sa ilang status ug designation lakip na ang mga part time employees. Buot ipasabot nga ang imong bana makadawat gyud og retirement pay sa iyang gitrabahuan bisan kun siya part time worker lang. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest