Queen Elizabeth

Atong hisgutan dinhi karon si Queen Elizabeth sa United Kingdom, giisip nga longest-reigning monarch sa Britain, nga dugay nang na-senior citizen nga alang sa uban, dugay na sab untang ni-retire from being a public figure.  Sa niaging Abril 21 niining tuiga, nagsaulog siya sa iyang ika-91st birthday.  Sa atong makita sa telebisyon, gwapa lang gihapon ug lagsik pang maglihoklihok.

Lagmit misubay kini siya sa ato nang gibalikbaik dinhi nga ang edad is just a number; that while growing old is inevitable, being old is not.  Samtang dili kalikayan ang pagkatigulang, apan dili kinahanglan magtiniguwang kita.

We can stay young – young in looks, young in thinking and young at heart. Lagmit mao kini ang gisubay ni Queen Elizabeth. Maoy hinungdan nga at 91, rayna lang gihapon. Most probably she refused to grow old.

Mahimo man tingali ni nato sa atong kaugalingon. Of course, di kinahanglan nga mag-rayna o mag-hari kita. Isip mga yano ug ordinaryo nga mga binuhat sa Ginoo, mahimo man usab nato nga magpabiling mga batan-on sa pangbayhon,sa paghunahuna, ug sa pagbati.

Batasan didto sa United Kingdom nga ang mga monarchs kaduha magsaulog sa sumad sa ilang natawhan, kun wala sila matawo panahon sa summer o ting-init, o kon dili maayo ang panahon alang sa usa ka outdoor event.

So, si Queen Elizabeth nagsaulog sa ikaduha niyang birthday celebration, ug mao kini ang official niyang adlaw nga natawhan.  Sa naandan, ania ang description sa mabulokong grand parade nga mao ang main nga kalihokan sa selebrasyon: “Trooping the Colours, has for decades been an annual event that features trained troops from the Household Division comprising of over a thousand officers, around 200 horses, and over 200 musicians from six bands and corps of drums that march and play as one, in a ceremonial parade.”

* * *

Samtang sa laing bahin, niining ting-uwan, mao na puy masulod sa atong hunahuna ang pagbaha, diin ang mga basurang plastic maoy atong pasanginlan nga maoy nakaingon sa baha. Natural. Maoy hinungdan ang atong kagamhanan nangitag mga paagi aron kalikayan kining maong sitwasyon.

Alang kanatong mga senior citizen, sa atong panahon, wala kita makasinati ning maong kahimtang tungod kay among others, wa pa mauso ang plastik niadtong mga panahona.

In my case, pananglitan, kay suguon man kong mama pagpangompra usahay, magdala kog buyot o bukgs nga maoy sudlan sa kinompra.

Mao sad unta kini karon. Magdala kitag bag o anything nga dili plastic nga kasudlan sa atong kinompra, ug dili kita magsalig sa dali rang magisi nga paper bag nga i-provide sa mga grocery stores.

Kun mao kini ang buhaton natong tanan, sama sa among panahon, masulbad tingali nato by 50 percent kining maong suliran sa plastic.

Hinuon lisud ning buhaton. Akong ma-imagine nga gwapa kaayo ka, mestiza pa, sexy kaayo, puwa kaayo og lipstick, apan nagbitbit ug nagsipit og buyot .... mosugot kaha ka ini? Lisud no?

Maayo man ‘to sa among panahon, nga wa may arte ang among kababayen-an kanhi, busa ang pagdala og buyot dili  maka-disgwapa kanila.

Mangompra kog isda, tuhokon man lang to sa tindera ug akong lang bitbiton inig-pauli nako.  Dili kaha ka kataw-an kun imo ning buhaton karon?