Minampuon nga centenarian

Di lang ‘ta maghingalan niining atong sugilanon karon, ang mahinungdanon mao ang unod niini nga angay  kapanaminan, ilabina kanatong mga senior citizen, ug niadtong hapit na ma-centenarian.

Ang bida ning atong sugilanon, 99, hapit na ma-100. Ang venue: Archbishop’s palace sa Mandaluyong. Okasyon: kasal sa iyang anak lalake nga nagpanuigon og 75 ug bride nga 69 years old.

Ang atong bida, wala magsungkod, wala mag-wheel chair, dili bako’, kompas nga milakaw uban sa iyang anak nga kaslunon padulong sa altar.

Matud pa: “It was an age-defying feat.” Usa ka okasyon na wala manumbaling sa edad. Ang main celebrant sa okasyon, usa ka Cardinal, 55 ang edad nagkanayon: “I think this is the first time I’m marrying a couple older than me.”

Nakasaksi na ba kamo niining maong susama nga okasyon? Sa mga hulagway nga napatik sa mantalaan, ang mga kaslunon bata pang tan-awon, ug ang inahan dili katuhoan nga mag-100 na ang edad.

Matud sa iyang anak nga kaslunon: “My mother is a medical phenomenon.

She has never been hospitalized, outside of her six deliveries (pagpanganak). She takes no medicines, only vitamins.”

Nangomedya ang iyang inahan: “Tingnan ninyo ako, wala akong sakit, kasi hindi ako nagpupunta sa doktor.”

Aduna siyay 27 ka apo ug 47 ka apo sa tuhod. Ug matud pa, kahinumdom pa siya sa ngalan sa iyang mga apo ug ilang mga birthdays.

Sa ato pa, wala ma-alzheimers. Niining edara, ang uban nato makalimot na sa ngalan sa atong asawa o bana.

Ug maayo pang mobasa, walay eyeglasses. Lagmit wa ni siya ma-operahi sa cataract. Mosimba matag adlaw, ug daily communicant.

Sa batabata pa siya, after graduating Associate in Arts gikan sa University of Santo Tomas, siya ang nagpadagan sa ilang family businesses. Ug matud pa: “her business acumen is enhanced by her prayerfulness.”

Aktibo siya sa mga kalihokan sa simbahan ug sa katilingban. Nahimo siyang president sa Catholic Women’s League, ug sakop sa hunta sa National Sandigan Foundation.

Hangtud karon, nagpadayon ang iyang pagtambong sa mga meeting, mga seminar ug pagpasakop  sa mga working committees.

“She maintains close working relationship with the clergy and the religious, many of whom have offered to concelebrate her birthday Masses.” Nindota no?

Sa iyang pagka-maampuon, wala siya magbaton og kasilag batok ni bisan kinsa. Matud niya: “Kung wala tayong masasabing maganda, tumahimik na lang tayo.”

Gibalikbalik niyang tambag ngadto sa iyang mga anak: “Magmahalan kayo. Huwag kayong mag-aaway lalo na tungkol sa pera.”  (Ang nagsulat ning maong sugilanon: Boots Anson-Roa Rodrigo)