Gi-blocked sa FB

Mao tawon kini ang angal sa usa ka higala kay natingala siya og dako uyamot kun nganong sa FB siya gi-blocked sa tawo nga giisip niyang suod ug importante. Ako siyang giingnan nga daghan ang rason kun nganong ang tawo dili buot nga siya imong ma-monitor. Posible kini ang mga hinungdan:

1. Una buot siya og privacy. Kay diha usahay sa facebook nahimong lantaran ang tanan. Ang tanan nahimong dili na private ang tanan public. Mao nga tingali gikapoyan ang higala buot niya ang privacy.

2. Ikaduha mahimong duna siyay gitagoan. Ang maong tinagoan dili buot nga masakpan labina kun kini maselan. Daghan sa mga dunay tinagoan ang maningkamot nga dili masakpan mao nga cellphone pa lang daan sa password puno nang daan.

3. Ang laing rason mao nga ang tawo mahimong naglagot nimo. Na irita tungod tingali sa imong personalidad, sa imong gipanulti o sa imong nabuhat mao nga dili siya buot nga ikaw makahilabot pa sa iyang whereabouts. Nagpasabot kini nga dili na siya buot pang makonektado nganha nimo kay alang niya dili ka na mahinungdanon.

Ang bottom line ning tanan mao gyud nga ang tawo nga dili na ganahan makiglambigit diha sa social media ang mohatag og mga rason kun nganong iyang I-block ang si bisan kinsa nga kanhiay iyang higala.

Sa laing bahin dunay nakita nako nga convo nga worth quoting kaayo:

Friend sa girl: Oi dae I let go na siya oi kay dili maayo!

Girl: maglisud ko dae kay unsaon na lang ang kwarta!

Sa laktod nga pagkasulti gigamit ra diay niya si Boy aron siya kakwarta. Ug si Boy pud tawon nitugot nga siya gamiton tingali pud kaha kay kang girl siya nakagamit. Ang atong kinabuhi sa kalibutan usahay atong gisukod diha sa pagpahimulos sa usag-usa apan may mas bililhon pa kaysa bisan unsang mahimo nato nga bawos ug kini ang pag-isip sa usag-usa nga mahinungdanon.

Tinuod daghan kong mga hugot sa FB apan sa mga butang seryoso ug maladrama mas ganahan kong isulti sa personal nga paagi. Kay ang virtual reality dili makahulip sa physical touch sa usag-usa kanato. Mas maayo gyud ang linawas nga kukabildo aron ang bisan unsang problema masulbad.

Ning paagiha walay relasyon nga maungkag ug walay kalibutan nga magun-ob. Ang mahinungdanon relasyon kay inigkamatay nato dili kita mag-imbentaryo og kabtangan lang kondili mga ngalan sa tawo.