Tulo na lang gyud ka adlaw

Kun madayon, debate karon tali ni Mayor Tomas Osmeña Vice Mayor Edgar Labella. Nindot ni. Sama sa ubang mga demokratikanhong nasud, sa America pananglitan, -pursue gyud nila ang debate sa mga kandidato pagka-Presidente.

Ug ang resulta niini, makahatag og dakung tabang sa mga pumipili pag-decide kinsa ang takos mamuno sa Tinipong Bansa. Hinumdoman nga mao usab kini ang nahitabo sa Dakbayan sa Sugbo sa dihay usa ka eleksyon, diin nag-debat e ang mga nagkasangka nga piliunon pagka-mayor sa sa dakbayan. Hinumdom mo?

Mao usab unya kini ang mahitabo tapus sa gitakda nga debate, kun madayon man,  tali kanila ni Osmeña ug Labella. Ato ning atangan.

Atong gikahingawa ngano nga wala motugot ang Comelec  nga mag-debate usab unta ang mga kandidato pagka-Senador.

Yuna pa, kining nahitabo nga pangrakrak ug mga pagpanghasi sa mga barangay captains ug ubang mga leader sa politika, wa ni mahitabo sa nangaging mga eleksyon sa atong dakbayan ug lalawigan sa Sugbo. Ngano man ni?

Sa atong namat-an og buot, alang kanatong mga senior citizen, ang eleksyon sa atong lalawigan ug dakbayan, has always been peaceful.  Kining mga pangrakrak ug pangbato sa kabalayan, wala kini mahitabo sa unang mga eleksyon. Ngano man ni?  Hinaut nga niining nahibilin nga tulo ka adlaw una mag-eleksyon, unta masulbad ug mailhan ang mga tawo nga nagbuhat niini.

Ang nahitabo sa unang mga panahon, mao ra gyud ang pagbayloay sa mahait nga mga pulong sa sa radyo ug sa mga pulong-pulong nga pasiugdahan sa nagkaatbang mga mga politiko.  Despite niining tanan, maoy atong pangaliya nga sama sa unang mga eleksyon, magmalinawon gayud ang eleksyon. Angay masayran sa nagbuhat nini, nga counterproductive kini ug ang resulta, ug  ang sangputan niini mosumbalik, mo-boomerang ra ngadto kanila.

* * *

Si Archbishop Jose Palma, sa makausa pa, miawhag na usab sa katawhan sa pag-ampo ug pag-meditate aron maoy mogulang mananaug kadtong mga kandidato nga tiunay gayud nga mualagad sa katawhan ug sa nasud.

“The election is an occasion to show the importance of the vote, which should compel the people to pause and pray in order to choose a proper and fitting candidate to preside over the reins of government. Not because we fear, not because we are bought, not because of any other reason but this is our prayer for discernment of those who could benefit are put on the ballot,” nagkanayon si Palma nga napatik sa The Freeman. Tinuod, sa ato nang gibalikbalik dinhi, balaan kining maong katungod pagpili. Naghatag kini kanato’g higayon pagsinati kinsa ang angayan ug takus mohupot sa pangatungdanan sa gobyerno.  Sa atong pagbotar unya, kun unsa man ang resulta niini, mao na kini ang mo-determine unsa nga matang sa panggobiyerno ang atong matagamtaman.

Kun sila ra bang mga kandidato ang pasultion, ligdong silang tanan, dili corrupt, mahigugmaon sa mga kabus, ug tiunay nga mualagad sa lungsod.

Apan dili sila, kundili ikaw ug ako maoy magbuot kon kinsa kanila ang qualified ug competent nga mualagad sa lungsod. Busa, ato silang hashasan ug hingbisan og maayo aron makabaton kita’g mga tiunay nga alagad sa lungsod nga mosangput sa kabulahanan natong tanan.