Pwedeng bawi-on sa legal nga asawa ang properties

Dear Atty. Divine,

Duna koy pangutana labot sa property sa akong bana. Duna mi usa ka anak ug nagbuwag mi 10 years ago apan wa ma annul ang among kaminyuon. Sa dihang nagbuwag mi, nakigtipon og laing babaye ang akong bana og naa sad siyay usa ka anak. Last month, namatay ang akong bana kay nadisgrasya. Akong nahibaw - an nga duna siyay napalit nga mga property ubos sa iyang pangan kay siya ra may bread winner sab sa iyang bag-ong pamilya, lakip na kapangan sa akong bana mao ang gipuy-an karon sa iyang ka live-in. Ang akong pangutana kun pwede ba nakong bawion ang maong mga property?  Pwede ba nga di nako bahinan ang iyang anak sa iyang ka live-in? Daghang salamat.

Lyra

* * *

Dear Lyra,

Kun wa ma annul ang inyong kaminyuon then mamahimo gyud nimong bawi-on ang mga property nga napalit sa imong bana tungod kay basi sa balaod any properties nga mapalit during marriage makonsiderar kining conjugal property as long as wa moy gipirmahan nga marriage settlement o pre-nuptial agreement before your marriage. Busa 50% sa maong property makonsiderar nga imong share samtang ang katunga niana maoy dapat bahinon sa heirs sa imong bana lakip nimo, imong anak ug ang anak sa laing babaye sa imong bana. Ang illegitimate nga anak sa imong bana dili mahimong hikawan sa iyang share kay makonsiderar man siyang usa sa mga compulsory heir. Base sa balaod, katunga sa share sa legitimate nga anak maoy share sa illegitimate. Thanks and God bless.

Atty. Divine

*  * *

Alang sa inyong pangutana, ipadala lang pinaagi sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.