Gustong mangayo og suporta sa bata

Dear Atty. Divine,

Duna koy live-in partner sud sa lima ka tuig ug duna mi usa ka anak. Sa dihang natawo ang bata, naatol kini nga didto nagtrabaho sa abroad ang amahan hinungdan nga wa kini makapirma sa birth certificate sa bata. Apan akong nahibaw-an nga dunay laing babaye ang akong kapuyo hinungdan sa among panagbuwag. At first, consistent pa iyang suporta sa bata after 1 year kalit lang nahunong og mopadala lang kini kun akong tawgan. Ang akong pangutana kun makapugos ba ko niya pagpangayo og suporta pinaagi sa korte  bisan kun wa siya makapirma sa birth certificate sa bata? Daghang salamat. — Nida

Dear Nida,

Basi sa balaod ang mga illegitimate children entitled og suporta gikan sa ilang amahan. Apan mapugos lang sa pagsuporta ang amahan kung iyang gi-recognized ang bata. Usa sa mga pruweba nga gi-recognized ang bata mao ang pagpirma sa amahan sa  Birth Certificate niini. Apan sa imo nga kaso, wa makapirma ang amahan sa birth certificate. Busa kun magdumili gyud siya sa pagsuporta then modangop ka sa korte pinaagi sa pagpasaka og action alang  sa Compulsory Recognition and Support batok sa amahan niini. Imong probahan sa korte nga  anak niya ang bata aron siya maobligar sa pagsuporta. Thanks and God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.