Gustong ipa-cancel ang sayup nga entry sa birth certificate

Dear Atty. Divine,

Ang akong birth certificate dunay mga sayup nga entry.  Ang akong mga ginikanan dili kasal apan sa akong birth certificate dunay date of marriage ug duna say place of marriage. Ang ako sad nga gender, female ang nabutang instead nga male. Unsay akong buhaton aron makurihian ang akong birth certificate? Daghang salamat.

Leo

* * *

Dear Leo,

Kinahanglan nga imong ipa-cancel ang sayup o  bakak nga entry sa imong birth certificate sama sa date of marriage ug ang  place of marriage sa imong mga ginikanan pinaagi sa pag-file og Petition  for cancellation of entry ngadto sa korte. Kinahanglan nga imong i-attach sa imong petition ang Cenomar o Certificate of No Marriage sa imong inahan aron pagmatuod nga dili kasal ang imong  biological parents. Ilakip sab nimo sa petition ang change sa imong gender from female to male. Suportahan sab kini nimo og proof sama sa medical certificate nga mopamatuod sa imong gender. Adto kini nimo i file sa lugar diin ka narehistro ug once ma grant sa korte ang imong petition then makurihian na ang sayup nga mga entry sa inong birth certificate pinaagi sa pag annotate  niini ngadto sa imong  birth certificate. Thanks and God bless.

Atty.  Divine

* * *

Alang sa inyong pangutana, ipadala lang sa Legal Corner sa Banat News pinaagi sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.