Revolutionary government

Medyo nabanhaw kining isyu ug  laraw pag-declare og revolutionary government. Of course, nagkalainlain ang atong mga reaction niini. Samtang uyon ang uban, supak usab ang uban.    

Generally, medyo makahadlok kining paminawon. Ang mosulod sa atong hunahuna mao ang kang Marcos nga martial law. Mao nga mokurog sa kahadlok ang uban inigkadungog nila ning maong mga pulong. 

Apan, niay atong kutluon dinhi nga nag-assert nga wala kitay angay kahadlokan niini: Matud ni Carmen Pedrosa sa Philippine Star, “A revolutionary government is not as alien, or scary, as it sounds. The form of revolution today is not as crude or violent as it used to be.”

So, ang revolu-tionary government, dili bag-o, ug dili angayan kahadlokan. Ug unsa may mga motibo kun kini madayon pagdeklarar?

Sa atong kahadlok nga kini maabusahan, sa samang higayon aduna kini positibo nga mga epekto. Matud pa sa akong amigo sugot siya sa revolutionary war against corruption, against drug lords and users, against smugglers, against rebels, against tax evaders, and revolutionary war against poverty.

Sugot ang akong amigo niining maong matang sa rebolusyon, basta dili lang abusahan.

Ug kun kini paluyohan sa kinabag-ang bahin sa katawhan, kun adunay igong public support ug kun kini moresulta sa kaayohan sa katawhan, ug dili sa pipila lang ka ambisyuso kaayong mga tawo nga duol sa gahum, nan, dili man tingali dautan ang revolutionary government.

Giingon dinhi nga ang revolutionary government kun madayon man, is a transition kuno to federalism.

Matud ni Pedrosa, “Some Filipinos  think that Revgov is only about how to give President Rodrigo Duterte more powers for a dictatorship. But there is greater reason why Duterte must have the necessary powers of Revgov. He needs it to be able to achieve federalism for the country.”

Dagko ug daghang problema ang giatubang karon sa atong nasud. Ug daghang mga babag nga nag-paralisar sa kasulbaran niini. Daghan ug dagko usab ang atong mga laraw, apan, daghan usab ang mga factors o mga circumstances nga nagbabag sa kalampusan niini.

Usa na niini ang pag-shift ngadto sa federal system of government, nga karon, gumikan sa bisan unsa na lang nga hinungdan, na-stalled ang pagpatuman. 

“With a corrupt and wrangling Congress (hangtud nga naamong ang pagpasar sa 2019 national budget-ams), Duterte can push for federalism if he has the powers needed,” padayon ni Pedrosa.

Ang katawhan wala man tingali mag-expect nga himuong permanente ang revolutionary government kundili, himuon kining prerequisite facilitate ug pag-implement sa pag-shift ngadto sa federalism. 

So, perhaps tapus sa eleksyon, ato nang i-tackle ang paghimog kausaban sa 1987 Constitution (ChaCha) ug pagpahinayon sa federal form of government gikan sa karon nga unitary system diin highly concentrated ang gahom sa panggobiyerno didto sa Imperial Manila.

Hinuon, nagpabilin ang mga suyot nga ang ChaCha ipaagi gyud unta sa Constitutional Convention (ConCon) ug dili pinaagi sa Constitutional Assembly (ConAss), kay alang sa mabuot nga mga lungsoranon, dili sila mosalig sa mga politiko nga maoy mopanday sa bag-ong Federal Constitution.       

Gikahadlokan nga mao na unyay mopatigbabaw ang ilang mga hidden agenda ug mga personal intereses over the interests of the people.