Gustong bahinon ang properties nga napalit atol sa ilang panagtipon

Dear Atty. Divine,

Duna koy live-in partner sud na sa unom ka tuig ug wa mi anak. Atol sa among panagtipon nakapalit mi og mga properties kay mikusog man ang among negosyo. Ang properties nakapangan namong duha.

Apan tungod kay di mi kasal nagkasabot mi nga among bahinon ang properties aron libre mi nga mo-decide kun pananglitan ang usa gustong mobaligya sa iyang share.

Ang akong pangutana kun dapat pa ba mi nga moagi og korte sa pagbahin sa maong mga property? Daghang salamat.

Joey

* * *

Dear Joey,

Tungod kay di mo kasal apan duna moy napalit nga mga property atol sa inyong panagtipon  makonsiderar ang maong  mga property nga  gipanag-iya  ninyong duha kay ang mo govern ninyo nga property regime mao man ang co- ownership nga maoy nalatid sa Article 147 sa atong Family Code.

Samtang basi  usab sa Civil Code ang separation sa co-ownership mamahimong buhaton pinaagi sa panagsabot sa mga co-owners busa ang inyong plano sa pag-separate sa inyong kabtangan mamahimo rang buhaton pinaagi sa kasabutan ug dili na kinahanglan pa nga moagi pa kamo sa korte. Thanks and God bless.

Atty. Divine

* * *

Alang sa inyong pangutana ipadala lang pinaagi sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo