Nagkagrabe suliran sa druga

Tinuod,  sa libohan na ang nadakpan ug nangamatay gumikan sa kampanya batok sa gidiling druga, nagkagrabe na hinuon ang maong suliran. Sa tibuok nasud, lakip na dinhi sa atong dakbayan ug lalawigan, maghilak ang adlaw kon walay mamatay nga drug suspect.

Si Foreign Secretary Teddy Locsin midason sa pamahayag ni Presidente Digong Duterte nga ang “drug situation had worsened.”

Tapus nga na-intercepted ang binilyon ka pesos nga bili sa smuggled shabu ug cocaine, si Locsin mitawag  “for a more-all-out police operations against drug traffickers.

The government should not stop its war on drugs despite the outcry against police abuses and extra judicial killings of mostly poor suspects.”

Bitaw, ang operation sa kapolisan on mostly “poor suspects,” man, samtang ang mga dagkung drug lords, ang mga smuggler ug mga dagkung supplier sa druga, it seems nga wala may operation batok kanila.

Kon mapitol ug masanta ang main suppliers ning maong gidili nga druga, unsa may yopyupon sa mga gagmay ug poor nga mga suspects?

Sa iyang pagpanalipod sa kampanya ni Duterte batok sa gidiling druga atubangan sa United Nations Commission on Narcotics Drugs in Vienna, Austria,  si Locsin nga ang mga “abuses were no reason to stop the war on drugs but rather they are calls to do it better.” He said the campaign would continue.   

Bitaw, kon duna may pangabuso, dili kini hmuon nga rason pag-undang sa war on drugs, kundili sulbahon ang maong mga pangabuso  aron kini kalikayan.

* * *

Nganong supak man sila niining balaud nga nagmando nga palapdan ug i-color-coding ang mga plaka sa mga mortorsiklo? Ang balaud Republic Act 11235 giulohan og Motorcycle Crime Prevention Act nagpasabot nga ang bugtong katuyoan niini mao ang pagsanta nga mahimo ang salaud nga sa pagkakaron kasagaran sa mga krimen nga nahimo naglambigit gyud sa mga nagsakay sa motorsiklo, kining gitawag nga riding in tandem.  

Mokabat sa 99 porsiyento sa mga gipamatay nag-involved gyud sa mga riding in tandem. Ug gumikan sa ka gagmay sa mga plaka niini, dili mabasa, labi na kon gabii ang pag-commit sa crime.

At least kon lapad na ang mga plaka niini, mahimo kining deterrent pag-commit sa crime, kay ang mga mosakay niini nga adunay dautang tuyo, manadagana na pag-execute sa buot nilang buhaton.

Ambut ngano nga ang ubang mga nanag-iya’g motorsiklo supak man niini? Giingon dinhi nga at keast ang mga letra sa plaka mabasa gikan sa gilay-on nga 15 metros.

Pagkakaron, kasagaran sa mga nag-commit og crime, dali ra kaayong makaikyas, tungod  kay gawas nga magmaskara sila, dili mabasahan ang gagmayng letra sa plaka. Sa mga mosupak niini, adunay multa o pagkabilanggo or both.

Ug mahitungod sa habal-habal ug angkas, kon ma-legalize na kini, kinahanglan tinud-on gyud ang pag-regulate niini aron dili abusahan ug alang sa safety sa mga sumasakay niini.

Una sa tanan, ang maong mga motorsiklo kinahanglan i-rehistro isip Public Utility Motorcycle (PUM). Sa ato pa, pang-publiko na, dili na ma-sayun-sayon paggamit as a private vehicle.

 Tungod kay mamasahero na man, kinahanglan ang mga driver maghupot na’g professional driver’s license.

Daghan pang regulation ang atong hisgutan dinhi sa sunod natong mga lindog.