Human na ang eleksyon sa Sugbo?

Of course niadtong mga pilionan nga giisa ang ilang mga bukton ug kamot sa Presidente, human na ang eleksiyon sa lalawigan ug Dakbayan sa Sugbo. Matud pa, maghuwat na lang kuno sila sa ilang oath-taking. Porbidang hayahaya.

Labing hayahay mao si kanhi Mayor Mike Rama kay all of a sudden na-unload ang dugay na niyang gipas-an nga problema sa paghingalan kaniya nga drug protector.

Busa, gipanglantawan ang iyang kadaugan. Kinahanglan mag-overtime niini si Mary Ann. Hinuon, sa iyang bahin, maora’g dili pa makaginhawa og luag ang suod natong amigo, si Vice Mayor Ed Labella tungod kay mitumaw kining huhongihong nga its’ going to be an Osmeña-Rama win in the May elections.

Ambot ngano ni? It seem ra ba, suma sa akong mga higala, duna gyud kunoy nangampanya niini. Wa ta masayud kUn ang kampo ba sa BOPK o sa PDP-Laban ba ang nangampanya niini. Tingali’g intriga lang. Kahibawo man ta nga panahon sa eleksiyon daghan kaayong mga fake news.

Ug bahin ni Gwen, unsa man, papas na ug kalimtan na lang sa mga Sugbuanon ang kaso sa Barili property ug sa ICC?

On the other hand, mao ba kini ang kinaiya natong mga Sugbuanon, mao ba kini ang naandang natong practice o behavior o habitual pattern nga mag-agad kita sa mga endorsements kinsa ang atong botohan?

Ingon ba niini nga matang sa atong pagka-botante? Sa ato gong panahon, wa pa man mouso kining mga endorsements gikan sa mga dagkung politiko. Atong  hinumdoman nga hashasan nato’g maayo ang kandidato, hinungdan nga nag mogulang mananaug, highly qualified gyud ug dili maduhig sa corruption.

Dugang niini, nga walay pinalitay ug walay hinakotay niadtong panahona. Busa, alang kanatong mga senior citizen, igo na lang kitang mohandom sa piniliay kanhi ug karon.

Kahinumdom pa ba mo kinsa to ang mga Senador sa atong panahon? Pipila sa akong hinumdoman: Puyat, Manglapus, Manahan, Tolentino, Antonino, Razul, Diokno, Madrigal-Warns, Salonga, Pelaez, Simulong, Ople, Rodrigo.

* * *

Si Fauja Singh, India-born nga taga England, giisip nga labing tigulang nga marathon runner sa tibuok kalibutan, nagpanuigon og 101. Nagsugod siya’g salmot sa mga marathon sa nagpanuigon na siya’g 89. Ang uban nato ning edara, dugay nang nagluya.

Si Singh nakasalmot og siyam ka 42 ka kilometro nga marathon sa London, Toronto ug New York. Katapusan niyang gisalmotan nga marathon didto sa Hong kong, bag-o lang siyang na-102, dayon niyang retire.

Mahimo kaha ni nato?