Patay na ang mi-execute sa SPA

Dear Atty. Divine,

Dunay property ang akong iyaan nga iyang gipabaligya nako.  Mi-execute siya og Special Power of Attorney or SPA aron ako maoy makig-negotiate sa gustong mopalit ug ako sad ang mopirma sa Deed of Absolute Sale kay atua man siya sa gawas nagpuyo.

Karon duna nay gustong mopalit sa property apan gitawgan ko sa anak sa akong iyaan nga namatay na ang iyang mama last week kay gi-atake daw.

Ang akong pangutana kun dapat ba nakong ipadayon ang transaction considering nga naa man koy SPA?

Ako nang gipahibawo ang anak sa akong iyaan nga naay interesado nga mopalit sa property. Unsay angayan nako nga buhaton? Daghang salamat. —Mae

* * *

Dear Mae,

Ang Special Power of Attorney kon SPA mo extinguish ang validity niini kun patay na ang nag- execute sama sa nahitabo sa imong iyaan.

So ang SPA nga iyang gi-execute dili na nimo magamit pa sa pag-transact in her behalf or else mamahimong questionable ang Deed of Absolute Sale nga imong pirmahan.

Mamahimo man nga ipadayon ang pagpalit sa property apan ang mopirma sa dokumento sa pagbaligya mao na ang mga heirs sa imong iyaan ug need na sab sila nga mobayad og Estate Tax kay patay na man ang registered owner.

Mas maayo nga  imong sultian  ang prospective buyer niini ug ang mga heirs sa imong iyaan mao nay mopirma sa Extrajudicial Partition with Sale. Thanks and God bless.

Atty. Divine

* * *

Alang sa inyong pangutana, ipadala lang pinaagi sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.