Mga kalandrakas

Gisibog ni Harry Roque ang iyang kandidatora sa pagka senador sa nasud tungod sa rason nga panglawas. Si Harry Roque nagsilbi nga tigpamaba ni Presidente Roa Duterte sa wala pa siya modisidir sa pagpapili sa pagka senador.

Sa wala pa midisidir si Harry Roque sa pagsibog wala siya masulod sa mga survey nga gihimo sa mga survey agencies.

Ambot kaha ug nagsulti ba sa tinuod si Harry Roque sa rason sa iyang pagsibog pagpapili pagka senador? Ang iya ba kahang panglawas o ang wala pagsulod niya sa mga survey.

* * *

Nauso sa Sugbo ang mga pagpamanhig. Usa sa mga napatay ang kandidato sa pagka bise Mayor sa lungsod sa San Fernando nga si Ricardo Reluya Jr.

Sa wala pa patya si Reluya, una nang gipatay ang kanhi Association of Barangay Council sa lungsod sa San Fernando ug lain pang mga opisyal sa nahisgotang lungsod.

Kun imo nga nakita gihinay-hinayan og hurot ang mga opisyal sa lungsod sa San Fernando ilabi na ang ilang mga konsehal hinungdan nga maglisod na sa pag session ang ilang konseho.

* * *

Nakaabot gayod ang kapolisan sa lalawigan sa Sugbo sa gihatag nga tagal ni Philippine National Police Director General Oscar Albayalde sa pagsulbad sa kaso sa pagbanhig sa mga Reluya.

Karon nailhan na sa mga polis ang responsable sa pagbanhig sa mga Reluya.

Manghinaut lang ko nga wala lang mangsignit og suspek ang mga polis aron lang nila makuha ang deadline nga gisita sa ilang labaw.