Pork barrel
Tapos niadtong dakong exposure sa nabaniog pag-ayo nga pork barrel scam (ambut unsa tong tuiga), ug tapos mahukmi nga illegal, nagtuo kita nga mahilom na ang isyu niini
Ingon man, maoy atong pagtuo nga dili na kini mahisgutan pa, ug wala nay mosuway pagbanhaw niini.
Apan, sa column ni Jarius Bondoc sa Philippine Star miingon nga ang pork barrel karon mas dako kuno kay sa unang mga pork barrel: “14 times larger than when outlawed,” matud pa. Kakuyaw.
Ug maoy usa sa mga hinungdan sa pagkalangay pagpasar sa nasudnong budget, nga gikahadlokan nga kondili maresolbar, at least karong buwan sa Pebrero, tingali’g mapugos sila pag-reenact sa 2018 budget
Hinuon, alang sa mga misuway pagpalusot niini, dili kuno kini pork barrel, kundili, budgetary insertions lang.
Whatever, ang mga insertions nga nadiskobrehan ni anti-Pork Senator Ping Lacson mikabat na kunog P270 billion. Ang maong mga insertions nabahin-bahin sa pipila ka senador.
Niadtong wa mahibawo, maayong mahibawo mo nga si Lacson, mao ray bugtong Senador nga wa modawat og pork barrel. Lain nakong nahibaw-an, nga sa iyang panahon, wala usab modawat og pork si kanhi Senador Butch Aquino.
Hinaut nga ma-resolbar kining nagkagrabe nga conflict sa Kongreso aron dili maangin ang nasudnong budget.
Sa iyang bahin, si Rep. Rolando Andaya Jr. namahayag nga daku ang posibilidad nga mo-resort gyud sila pagpa-re-enact sa 2018 national budget, kini, kon dili madawat sa House ang gipangayo nga DBM report on government savings in 2018.
Matud ni Andaya: “No DBM report on 2018 savings, no bicam report for 2019 budget.” Kuyaw, kun dili gayud maka-submit on time, ang DBM sa savings sa gobiyerno sa miaging tuig. Tight kaayo ang schedule sa Kongreso, ug lagmit dili na gayud mapasar ang P3.8 trillion budget for 2019. Gawas kun makapadayon sa pagtrabaho ang bicameral committee bisa’g mag-recess ang Kongreso.
Mag-recess sila sugod ugma ug mo-resume Mayo 20, tapus na sa eleksyon. Busa, daku na gyud kaayo ang kahigayonan nga dili mapasar ang 2019 national budget.
Sa iyang bahin, si Lacson namahayag nga lagmit modangat kining maong conflict sa Kongreso ngadto sa Korte Suprema. Samut.
Hinuon, kining nahitabo karon sa Kongreso, duna ni positive nga sangputan: ma-exposed ang mga nagtinguha diha sa Kongreso pagbuhi sa pork barrel. Kinsa man ni sila?
Aduna nay mga ngalan nga nanglutaw, hinaut nga tapos sa mga pakisusi, kining maong mga ngalan, either ma-cleared o makit-an ang sad-an.
- Latest