Unsaon pagbaligya sa property kun ang usa sa mopirma tua sa gawas?

Dear Atty. Divine,

Duna mi na inherit  nga property sa among parents  ug gusto unta namo nga ibaligya. Ang problema kay ang usa sa among igsuon atoa magtrabaho sa gawas busa dili siya makapirma sa  Extrajudicial Partition with Sale . Ang buyer dili sab mosugot nga di makapirma ang tanang igsuon sa pagbaligya sa property kay mahadlok siya  kun mo-question  unya kini later on. Unsay angayan namo nga buhaton? Daghang salamat.— Cherrie

Dear Cherrie,

Ang imong igsuon nga atua magtrabaho sa gawas mo-execute  lang siya og Special Power of Attorney kon SPA nga mag-designate og usa sa iyang igsuon nga maoy mopirma  sa dokumento sa pagbaligya in her/his behalf. Ang maong SPA adto kini niya panotaryohan sa Philippine Embassy abroad  ug ang original copy niini iyang ipadala sa imong igsuon nga iyang gi-designate.  Kun naa na moy kopya sa SPA then mahimo na ninyong himoon ang pagpirmahanay sa dokumento. Thanks and God bless. — Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.