Duterte, wa ganahi resulta sa survey

Giingon dinhi, atong kutluon: “Duterte mocks poll frontrunners.”

Wa siya mobilib, iyang gipakagamay ang nag-una sa labing uwahi nga survey nga gihimo sa Social Weather Station (SWS).

Samtang wala siya maghingalan sa mga nag-una sa survey, apan, buot niyang gipasabot nga there are other candidates more knowledgeable and reliable.

Matud niya, “may mga tao dito, dedicated, may alam, abogado.” Iyang ginganlan sila si kanhi political adviser Francis Tolentino, kanhi hepe sa kapolisan Ronald ‘Bato’ dela Rosa, ug kanhi presidential aide Christopher “Bong” Go, nga mga hardworking public servants.

Ang tulo nga nag-una sa survey nga gihimo gikan sa Dec. 16 hangtud 19, sila si Senador Cynthia Villar ug Grace Poe. Laing nasulod sa top 12, sila si Rep. Pia Cayetano, mga Senador Sonny Angara ug Nancy Binay, kanhi Senador Lito Lapid, Senador Aquilino Pimentil III, kanhi Senador Jinggoy Estrada, kanhi Interior Secretary Mar Roxas, Ilocos Norte Gov. Imee  Marcos, ug Senador Joseph Victor Ejercito.

Of course, resulta lamang kini sa survey. Daghan pang mahimo nga mga kausaban ug mga panghitabo inigsugod na sa kampanya, ug inighikyad na sa mga isyo.

Among others, gumikan sa pagka-popular pa ni Duterte, most probably, ang iyang paluyohan ug i-endorse adunay dakung kahigayonan nga mudaog.

Apan, akong amigo nangutana kun sa ato unyang pagbotar, ato bang ibasi kinsa ang i-endorse sa Presidente o sa partido?

* * *

Pagkakaron adunay duha ka draft federal charter nga ipuli sa 1987 Constitution. Ang usa mao ang gisuwat sa Consultative Committee (ConCom) gipangulohan ni kanhi Chief Justice Reynato Puno; ang lain mao ang ikaduha mao ang Resolution sa Senado ug sa House nga gipangusgan ni Speaker Gloria M.

Samtang susama ra ang duha ka version, apan, daghan kini og mga kalainan. Matud pa ang duha ka version “are miles apart.” Ang duha nag-retain sa presidential form uban sa federal system.

Samtang buot sa ConCom nga wagtangon ang political dynasties ug pagtapon-tapon og partido kon turncoatism, gisalikway kini sa draft sa House, ug gi-delete pa gayud ang provision sa 1987 Charter nga nagmando pag-enact og balaud nga magdili sa political dynasties.

Ang House version nagwagtang sa term limits sa mga Senador ug mga Kongresista, sa ato pa makapatuyang na sila sa gahum ug makapa-reelect na sila hangtud sa hangtud. Hayahaya no?

Daghan pang mga kalainan ang nakita sa ConCom version batok sa version sa Senado ug sa Lower House, ato kining subayon sa sunod natong mga lindog.