Dali nga paus-os sa high blood pressure

Atong gibase kining ideya gikan sa ‘wikihow’, ang mahitungod sa dali nga pagpaus-os sa presyur sa dugo o sa inato pa – hayblad.

Kun dili na normal ang labihan nga pagsaka sa presyur sa imong dugo, nagkinahanglan ka usab sa dinalian nga pagpaus-os niini kutob sa mahimo.

Kay kalagmitan sa ingon ini nga kondisyon, nga kanunay ka anaa sa lebel nga ‘hypertension’, dili lang kini kuyaw kay maapektohan man ang katibuk-ang sistema sa lawas ug mga parte sa atong organ.

Dili kita mokompiyansa sa hayblad nga  usahay mobalik ra man kini sa normal ang presyur.

Apan ig-abot sa panahon daghan na tag masinati nga sintomas hangtud mainutil kita sa atake sa hayblad.

Busa kanunay mo monitoron ang presyur sa dugo o mobisita sa doktor mo aron ka kahatagag paagi ug maresitahan og tambal.

Sa natural nga paagi, daghan ka’g angay mahibaloan, mga opsyons nga makatabang sa pagdali nga mous-os ang hayblad, sama sa mga mosunod;

* Ang unang tulo ka parte ang paus-os sa presyur pinaagi sa diyeta -.

(1) Pagmintin sa balanse nga diyeta – Ang usa ka diyeta kini nga naglangkob sa prutas, utanon, cereal (whole grains) ug produkto sa bakahan (dairy) sama sa gatas, makaus-os kini sa hayblad hangtud sa 14mmHg. Labi na sa pag-normal sa  taas og kolesterol kay nagbaton kinig menus sa ‘saturated fat’ ug kolesterol.

* Ang kausaban sa diyeta – Kini gyud ang sagad unang buhaton, ang pagbag-o sa diyeta, aron pagkontrol nga moubos pagbalik sa normal ang presyur sa dugo. Busa sigurohang sa pagbag-o sa diyeta ilakip na ang pagbag-o sa estilo mo kada adlaw, nga mao ang kaaktibo sa ehersisyong pisikal ug mental, nga maoy mopahingpit sa  pagpahiuli sa lawas nga mohimsog.