Serbisyo ‘wag masamang bisyo
SA halip na droga, iligal na sugal at iba pang masasamang bisyo, may panukala ang tumatakbo sa pagka-Senador na si Bong Go. Magserbisyo ng tapat sa kapwa at sa pamilya.
Sa pagbisita niya sa Cebu City, labis nagpasalamat ang mga dating drug addict na kanyang nakilala sa ipinakikitang political will ni Pangulong Rodrigo Duterte na supilin ang illegal drugs sa bansa.
Inamin kay Kuya Bong ng isang tricycle driver na naging durugista pero ngayo’y isa nang bagong nilalang na natauhan siya kaya tumigil sa pagdodroga dahil napatunayan niyang hindi nagbibiro si Pangulong Duterte sa pagnanais na malansag ang pagkalat ng ipinagbabawal na gamot.
Anang tricycle driver na si Mang Jose, kung hindi sa political will ng Presidente laban sa paglaganap ng illegal drugs sa bansa, malamang hanggang ngayon ay adik pa siya sa droga o kaya’y matagal nang pinaglamayan gaya ng marami na napatay sa mga operasyon ng pulisya.
Si Mang Jose ay bumalik sa pagtatraysikel at nakatutok na sa pag-aaruga ng kanyang pamilya.
Masayang nakipag-meet and greet si Kuya Bong sa mga miyembro ng Tricycle Operators and Driver’s Association (TODA) sa Purok 3, Brgy na kanyang dinalaw para alamin ang lagay ng mga pamilyang naging biktima ng sunog.
Habang nakikipaghuntahan, pinayuhan ni Go ang mga traysikel driver na huwag nang pumasok sa masamang bisyo na wala namang maidudulot na maganda sa bawat indibidwal.
Aniya, kaysa magdroga ay gawin na lang nilang bisyo ang magserbisyo sa kanilang komunidad at sa kanilang pami-pamilya.
Kagaya niya, ipinangako ni Kuya Bong na hindi siya titigil na tulungan ang sambayanang Pilipino.
Ito na aniya ang kanyang tanging bisyo — ang magserbisyo sa bayan, kasama ang Pangulo.
- Latest
