Happy New Year

Disyembre 2, 2018: Unang Domingo sa Adbiyento

MGA PAGBASA:  Jer. 33;14-16/sal. 25/1 Tes. 3;12-4;2/Lk. 21;25-28-34-36

Kini ang akong mapulong sanglit karong adlawa mao man ang opisyal nga pagsugod nato ingon nga Simbahan alang sa laing hugna sa tuig liturhiko. Ang unang Domingo sa Adbiyento mao man ang pasiunang Domingo sa tanang mga Domingo sa atong kalendaryo. Gidapit kita nga mamahimong mga mabinantayon sa tanan natong pagabuhaton. Nagpasabot kini nga atong himoong maigmaton dili lang ang atong mga mata kondili usab ang atong pagbati ug panghunahuna. Nga unta naka sentro sa butang nga iya sa Diyos ang tanan natong pagahimoon. Kini aron magpabiling lig-on ug buhi ang atong pagtuo. Komersiyalismo mao ang mihari sa atong hunahuna inig abot sa buwan sa Disyembre. Dili lang kini mahitungod sa mga dekorasyon kondili usab sa ato mismong kasingkasing. Hinloan nato kini ug pangandaman nato ang nagsingabot nga pagkahimugso sa Dios diha mismo sa atong kasingkasing ug kinabuhi. Mentras tanto, Happy New Year kanatong Tanan!