Universal health care

Usa kini sa labing maayo nga hitabo o kaugmaran sa atong nasud karong panahona nga dugay nang gihandom sa matag Pilipino.

Gumikan sa Universal Health Care Law, “every Filipino, young and old, will be automatically enrolled into PhilHealth and each family would be matched to a family doctor who is linked to a network of specialists, clinics, pharmacies and hospitals whether general or specialty medical facilities.”

So, gumikan ning maong balaud, awtomatik na kitang tanan sakop o enrolled na sa PhilHealth, ug makapahimulos sa tanang serbisyo ug mga benepisyo nga gitanyag niini.

Matud ni Emer Rojas, presidente sa Quezon City-based New Voice of the Philippines, (NVAP), “with many Filipinos afflicted by lifestyle-related non-communicable diseases such as cardiovascular disease, having access to Universal Health Care would ensure that they have a fighting chance in life.”

So, labi na sa mga kabus, diin prohibitive kaayo ang pagpatambal ug pagpa-hospital, alibyo kini alang kanila ug kanatong tanan.

Of course, tungod kay kitang tanan, ang matag Pilipino ma-covered na man unya sa Universal Health Care, ang implementation niini, magkinahanglan og daghang kwarta. Matud pa, mokabat og kapin sa P250 bilyones sa unang tuig pagpatuman niini.

Asa man ta’g kwarta? Gawas sa itampo sa concerned agencies, sama sa Department of Health ug ubang mga ahensiya may kalabutan sa panglawas, adunay mga laraw pagpausbaw sa buluhisan sa sigarilyo, alak , ug ubang bisyo.

Sa iyang bahin, si Jorge Banal, presidente sa Federation of Senior Citizen Associations of the Philippines (FSCAP), NCR ug Quezon city chapters, namahayag nga ang mga lifestyle-related non-communicable diseases sama sa heart failure, cancer, respiratory diseases, ug diabetes “makeup half of all deaths in the country annually,” kining tanan ug ubang matang sa sakit ang ma-addressed na sa Universal Health Care  services.

Of course, dili madali ang fully implement niini. Gawas sa suliran sa panalapi, kinahanglan ma-improved ug ma-upgraded ang mga kahimanan ug services sa atong mga tambalanan, labi na ang mga government hospitals.

* * *

Gipaabot nga tapus sa eleksyon, makabuylo na’g maayo ang pagtuki sa pag-umol sa bag-ong Federal Constitution. Pagkakaron, adunay ginagmay nga kisaw bahin niini, diin samtang dili magkasabot ang atong mga magbabalaud sa mga transitory provisions sa proposed changes sa Konstitusyon, usa ka butang nga silang tanan, nagkauyon, lakip ang oposisyon ang pagtangtang sa term limits.

Maoy ilang gusto nga dili limitihan ang ilang gugma pag-alagad sa lungsod. Ikaw, unsay imong think?