Ang mga hugot

Nagbaha ang shabu sa Sugbo ug sa bisan asang dapit sa nasud bisan og gipangpatay ug gipangdakop ang mga nalambigit niini.

Ngano kaha? Tungod kay kulang pa ang imong pagpakabana niini.

Daghan ang NFA nga bugas sa kamerkadohan matud pa sa Department of Agriculture (DA) ug National Food Authority (NFA) pero inig adto nimo sa merkado aron mopalit og NFA wala diay silay supply niini.

Asa diay paingon ang daghan nga bugas sa NFA?

Dili na pabalikon ni Lapu-Lapu City Mayor Paz Radaza ang mga nasunogan kansang balay nasulod sa 3 –meter easement gikan sa dagat kay gisunod niya ang mando sa Department of Environment and Natural Resources (DENR) apan ang katunga sa balay sa Mayor ug ang iyang stone craft naglubog sa dagat sigun sa pasangil sa wala na niya pabalika sa ilang luna.

Ang mga nasulod sa 3-meter easement wa na patukora og balik apan wala ang mga dagkong buildings diay nga naglubog sa dagat ug ang mga nagpuyo niini. Para asa ra man diay ang kamandoan sa DENR?

Bag-o pa lang nahuman ug nagamit ang sementadong taytayan sa Barangay Simala sa Lungsod sa Sibonga sa Lalawigan sa Sugbo apan nangabuslot ug nangliki dayon kini.

Likay na lang kay basin og mabuwasot. Hinuon gitapakan na sa kontraktor ang mga liki ug buslot sa taytayan nga bag-o pa lang nahuman.

Salamat sa  social media ug Imbestigador nga programa sa GMA7.

Good News: Migawas na sa Philippine Area of Responsibility (PAR) si Bagyong Tomas. Bad News: Mibalik pagsulod sa Pilipinas si Bagyong Tomas.

Good News: Dili motugpa sa bisan asang dapit sa Pilipinas si Bagyong Tomas. Porbida gyud ni si Tomas hasulhasulon ta.