Panagtigom

Dunay gihimong panagtigom ang tanang kapariang Dayosisano sa Sugbo. Nitambong ko ug gani niapil sa ubang mga duwa.

Ang ako lang, malingaw kay kun atong seryosohon ang kinabuhi ang tanan daw mamahimong lawgaw, kapoy ug latagaw.

Kitang tanan niagi pagkabata ug ang maong kasinatian sa duwa dako kaayo og kahimoan aron magpangita kita og kalingawan taliawala ning kalibutang puno sa kalisdanan.

Kun imong seryosohon ang kinabuhi, pressure kaayo kini ug kay pressure man kaayo kini nan, dunay dakong kahigayonan nga ikaw mayabag labina kun mga kuyog nimo mga yabag ug tulibagbag.

Apan bisan pa niini, mas maayo nga maglingawlingaw ka dili tungod kay nakuwangan ka sa kalipay kondili aron ma- unload nimo ang bagahe sa seryosong pakigbisog alang sa mga tawo nga human makapahimulos sa imong tabang nahimong mga bakakong mga linalang nga padayong moatik sa imong kaligdong labina kun duna silay panginahanglan.