Katapusan na gyud
Nobiyembre 11, 2018: Ikakatloag-tulo nga
Domingo sulod sa tuig
MGA PAGBASA: Dn. 12;1-3/Sal. 16/Heb. 10;11-14,18/Mk. 13;24-32
Basta maghinangat na gani ang katapusan sa tuig liturhiko ang mga pagbasa usab naghisgot kalabot sa katapusan sa kalibutan, katalagman. Daghan sa mga tawo ang nahadlok ini. Apan imbes atong batonan ang kahadlok angay natong batonan ang paglaum. Tinuod lisud ug kuyaw kun mahitabo kini apan si kinsa ba kita nga makapugong niini? Kabahin lang kini sa naandang dagan sa kinabuhi sa uniberso. Dunay maguba ug dunay mahimugso. Apan luyo ning tanan dunay giandam nga mas hingpit pa kaysa atong nasinati karon ug kana mao ang kinabuhing dayon. Mao nga higala ayaw kahadlok! Hinunoa lihok og maayo aron dili ka mabalaka kun sa katapusang paghukom moatubang ka sa imong Dios.
- Latest
