Gibun-og sa live-in partner
Dear Atty. Divine,
Ang akong igsuon dunay live-in partner og duna silay usa ka anak.Kining iyang live-in partner maguwang niya og napulo ka tuig ug grabe ka seloso. Ang akong igsuon nagtrabaho sa usa ka kompaniya ug last week nadugay siya pag-uli tungod kay gipa overtime siya sa iyang boss. Ang iyang partner nagtuo nga naglaaglaag siya ug maoy hinungdan sa ilang grabe nga away ug miuli nalang ang akong igsuon sa amoa kuyog sa iyang anak nga dunay mga bun-og. Gusto sa akong mama nga pasakaan og kaso sa akong igsuon ang iyang live in partner kay makadaghan na man gud ni niya buhata. Unsay kaso nga pwede mafile sa akong igsuon? — Cherrie
Dear Cherrie,
Mamahimong mopasaka og kasong criminal kon kalapasan sa Anti- Violence Against Women and their Children ang imong igsuon batok sa iyang live-in partner tungod sa gibuhat niining physical violence. Basi sa maong balaod bisan kon dili legally married ang biktima ug ang partner niini mamahimo kining gamiton sa babaye nga biktima batok sa iyang karelasyon ang maong balaod. Busa ang maayong buhaton sa imong igsuon mao ang pagpa medical checkup aron makakuha siya og medical certificate sa iyang mga bun-og og iya usab nga ipa-blotter ang maong hitabo ngadto sa police ug iyang sultian ang police nga mo-file siya og kaso batok sa iyang live-in partner ug ang police na ang mo assist kaniya pagpasaka sa kaso ngadto sa piskaliya. Thanks and God bless. — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest