All Saints, All Souls Day

Mao ni atong hisgutan karon dinhi ning atong lindog tungod kay atong suwayan pagtandi ang atong pagsaulog niining duha ka balaang adlaw sa atong panahon ug sa karon nga panahon.

Immediately, atong hinumdoman nga niining duha ka adlaw solemni kini kaayo alang kanato. In fact, hinumdom ko nga kining All Souls Day, usa ka Holy Day of Obligation, din ang pari katulo mag-Misa. Alang kanamong mga altar boys kapuy kaayo. Tiaw moy tulo ka Misa ang among serbihan.    

Ini’g human sa usa Misa, dihadiha dayon mosunod ang ikaduha ug ikatulo nga Misa. Ambot ngano nga wa man lang pud mi mang-reklamo.

Karon, mao ra man og gikanselar na kini. Lagmit mi-reklamo ang mga pari. Kay dili lalim katulo ka mag-Misa. Maayo unta ‘to nga ini’g kahuman sa usa Misa, pahuway una. Diretso-diretso man.

Anyway, dugay na kaayo to. Bisan ang uban natong mga senior citizen lagmit wa na kahinumdom ini.

Ang mga pari sa among panahon sa Opon mga misyonero gikan sa Netherlands. Mga Dutch MSC Missionaries.

Niining adlawa, dungan sa nag-Misa sa main altar, aduna say mag-Misa sa duha ka side altars. Ang uban adto na mag-Misa sa sacristy. Mao kini ang All Saints Day sa mga altar boys pa kami.

And of course, before anything else unahon gyud namo ang pagsimba, tungod kay wa pa man mauso ang pag-Misa sulod sa mga minteryo. Responso lang sa matag lubong ang gihimo, niadtong buot magpa-responso.

Of course, wala pa ang inyong Halloween. Ambot pila pa ka tuig ang milabay una kita mosagop ug mi-awat niining maong Western practice. Suma pa sa Simbahang Katoliko, kining maong practice is a celebration of death … imbes celebration of life.

Sa atong panahon, ang atong naandan, mao ang pagsimba, paghalad og mga bulak, pagdagkot og kandila, ug  ginagmay nga salosalo, dili bangkete, dili kumbira, ug mag-Rosaryo.  This is a celebration of life.

Karon, ambot nabadlong na ba kini, himoon mang diskohan ang lubong. Lanog kaayo ang mga sounds.

Hinoon, bahala nag mag-Halloween ka, maghuboghubog uban sa inyong mga minatay, apan, kalimti ang hinungdan ngano nga ang atong Simbahan migahin nining duha ka adlaw aron paghamdom sa atong mga minahal sa kinabuhi, ug pagtahod ug pagtamod sa mga Santos, nga in most instances ato lang gi-take for granted.

Kon magsaulog kita sa National Heroes Day, pahinungod sa atong mga bayani, sama ni Lapu-Lapu, nganong di man ta magsaulog sa National Saints Day?