Ang ‘Gout’ aron dili mosamot (2)
Unsa man sab ang maayong pang-alibyo niining ‘gout’ ? - Matud sa lagda o sa protokol sa kahimsog sa panglawas, ginagmay lay kaonon nga balansehon ang mga gikinahang nutrens, aron masustenehan nga mamintin ang atong kahimsog.
Aniay rekomendasyon sa mga eksperto, nga angay himoon natong giya aron kita makalingkawas sa kakutas niining problemaha. Ginganlan kini og ‘gout diet’, nga igo lang kining alibyohon nga kamenusan ang grabeng panakit ini.
* Paus-oson ang timbang – Ang naghinubrang kabug-at sa lawas, nagpasabot nga mosaka sab ang risgo sa panakit nga ‘gout’. Segun sa research, bisan og wa pa kining ‘gout diet’, ang pagmenus sa kaloriya ug timbang, makaus-os na kini sa ‘uric acid’ ug momenus sab ang risgo sa ‘gout’.
* Complex Carbohydrates – Nga maoy konsumohon ang mga prutas, bugas (wholegrains), bungahoy (legumes), nga nagsuplay kanato og ‘complex carbos’. Likayan ang mga ‘fructose corn syrup’, ug limitahan ang mga ‘fruit juices’.
* Tubig – Moinom niini og igo nga gidaghanon, labing menus 8ka baso pataas kada adlaw , magdepende ni sa pisikal nga kalihokan.
Kay ang tubig nagsilbi nga inerhiya sa pakusog sa lawas, nga kon makulangan momugna sab kinig panakit.
* Maayong tambok (healthy fats) – Undanga ang mga ‘saturated fats’ gikan sa pulang karne (redmeat), ug sa mga produkto sa bakahan sama sa gatas, angay magpuasa. Maoy palabiha ang mga utanon nga tinubdan sa maayong tambok sama sa ‘unsaturated fats’ o mga ‘omega fatty acids’.
* Protina – Maoy palabiha ang mga protina gikan sa tanom ug sa poultry nga lowfat kini…* Mokonsumog natural nga vitamin-C, herbal coffee o tsa.. Mga berries ug cherries, maayo kining prutasa alang sa pagmenus sa atake sa ‘gout’.
- Latest
