Diha diha nakakita ang buta ug mikuyog kang Jesus
OKTUBRE 28, 2018: Ika-katloan nga Domingo
sulod sa tuig Prison awareness Sunday
Mga Pagbasa: Jer.31;7-9/Sal.126/Heb.5;1-6/Mk.10;46-52
Kini ang maanindot nga timailhan nga hingpit nang naayo ang maong buta. Ang ka walay makita maoy nakababag kaniya sa iyang tinguha nga mopanaw ug molakaw. Sa dihang giayo siya ni Jesus gumikan sa iyang hangyo wala lang siya malipay kun dili nisunod pa gyud siya kang Jesus, simbolo sa iyang pagka-tinun-an niining maong magtutudlo. Sa atong panaw sa kinabuhi, sa makadaghang higayon nahimo kitang buta kay ato mang tinuyoan. Gimbut-an nato nga dili nato makita ang kamatuoran labi na kun kini sakit kaayo sa atong balatian.
Apan kun tugotan lang nato ang atong kaugalingon nga hikapon sa Dios nan, mamaayo gayud kita ug human kita maayo, unta atong kabigon ang tanang mga nahisalaag padulong sa dalan sa kinabuhing subay sa kabubut-on sa Dios.
- Latest