Love is the answer

Niadtong college pako dunay awit nga nakapatagad nako pag-ayo ang iyang ulohan: “Love is the Answer!” Usa sa mga linya nagkanayon: “Though we walked from different roads now we walk together, stay beside me all my days! strangers never more!” Ingon ini usab ang dagan sa matag tawo diha sa iyang kinabuhi.

Nagkadaiya ang dalan nga atong gisubay sa kinabuhi apan moabot ang panahon nga dunay sama nato ang buot mokuyog sa atong panaw padulong sa atong destinasyon. Destinasyon nga dili lang alang sa atong kaugalingon kondili, destinasyon alang usab kanila nga mikuyog nato. Sa matag panaw adlaw adlaw diin anaa ang kukabildo mahinungdanon kaayo ang pakigbaylo sa atong kasinatian bisan pa man kun managlahi man sila apan diha sa ilang kalainan mahimong matugkad nato ang bili ug kahulogan sa atong kinabuhi diha sa kalambigitan. Ang magbugkos natong tanan  mao ra gyud ang gugma nga kita mismo ang nipili ingon nga atong abyan sa matag himo og desisyon sa atong kinabuhi.