Makadawat ba og separation pay ang katabang?
Dear Atty. Divine:
Ang akong mama nagtrabaho isip kasambahay sud na sa lima ka tuig.
Gusto unta siya nga mo-resign na sa iyang trabaho kay gustong mopahuway tungod sa iyang arthritis.
Ang akong pangutana kon makadawat ba og separation pay ang akong mama gikan sa iyang employer kon mo-resign siya sa trabaho? Daghang salamat
Eloisa
* * *
Dear Eloisa,
Ang Republic Act 10361 kon Domestic Workers Act, kini naglatid sa mga katungod sa usa ka Kasambahay sama sa paghatag og minimum nga sweldo, rest day, service incentive leaves, 13th month pay, SSS, PhilHealth of Pagibig coverage.
Wa kini maghisgot kalabot sa separation pay alang sa Kasambahay nga mo-resign.
Ang gibutang lang sa balaod nga kon ang domestic worker taktakon sa way igong hinungdan kinahanglan siyang bayran sa iyang sweldo sa mga adlaw nga iya nang giserbisyuhan plus equivalent sa 15 ka adlaw nga sweldo sa pagtrabaho isip indemnity. Buot ipasabot nga dili gyud kapugos ang imong inahan sa pagpangayo og separation pay gikan sa iyang employer kon siya mo-resign.
Hinuon kon aduna silay gipirmahan nga kontrata then nalatid sa ilang contract ang separation pay kon mo-resign na imong mama then mamahimo siyang maka-demand niini. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
