Benepisyo sa liso sa avocado (2)

* Palig-onon ang imyun – Kon huyang ang atong sistema sa imyun madali ra kita mataptan sa tanang matang sa sakit sa utok ug lawas.

Ang liso sa avocado, epektibo kini nga makatabang sa pagpalig-on sa atong imyun ug moprotehir gikan sa sip-on ug hilanat.

* Himsog nga kasingkasing – Ang pagkaon sa liso sa avocado, nabaniog kini nga mopakunhod sa kolesterol, tungod kay dasok kini sa ‘dietary fiber’, nga maoy mosiguro nga ang kolesterol makatuhop sa dugo. Kini aron sa pagmenus sa risgo sa sakit sa kasingkasing ug paglimpyo sa mga toksik nga deposito, nga sagad maoy hinungdan sa atake ug paralisa.

* Paghapsay sa isyu sa digesyon – Epektibo kini sa pagpaalibyo sa konstipasyon, pagsanta sa gastric ulcer ug pag-alibyo sa mga hubaghubag, hasta sa mga viral ug bakterya nga sakit ug sa nagkalibanga.

* Paus-os sa ‘blood sugar’ – Paus-oson sa normal nga lebel ang ‘blood sugar’, ug pagmintin sa himsog nga timbang.

Mopakalma sa pagkahingaon, labi na sa mga tam-is o taas og carbos ug ubang pagkaon nga makapasaka sa lebel sa ‘blood sugar’.

Mas makaayo ni konsumohon ang unod ug hasta ang liso sa avocado .

Ang liso sa avocado, maayo ni kaonon kon paughon sa hangin nga dili ibulad sa init sa adlaw.

Inig-uga na, pulpogon ang liso hangtud mapino ang grano (granules), dili na kinahanglan nga pinohon pa sa blender.

Unya, magpabukal og tubig ug butangan og pinulpog sa liso ( ¼-1/2 kutsarita sa usa ka mug o tasa nga tubig ) paayupi sud sa 15-20 minutos. Pabugnawon nga imnon nga init-init pa.

Mahimo sab ang pinulbos nga liso sa avocado isagol sa smoothies, sarsa o mga salads. Kon mag tsa, himoa sa buntag ug gabii sa di pa ang tingkaon.