Ang shooting
Feeling goddesses ug mga gods ang akong mga bata sa dihang gihimo namo ang Pre-declaration Video sa Quasi-Parish ni San Pedro Calungsod sa Mohon, Sogod Cebu. Hinuon dili pud ikalimod nga mga maanyag ug mga ambongan kini silang tanan. Apan usa sa nakahatag nako og igong pagtagad mao man ang langob diin sa ibabaw niini anaa ang kahoy nga Dao.
Nindot kaayo ang location as in cinematic gyud kaayo. Nakahinumdom hinuon ko sa Degoba nga gipuy-an ni Master Yoda kaniadto sa dihang nag-training pa sila ni Luke Skywalker. Century old na kini ug daghan na ang mga kwaknit didto. Sa akong bahin nahingangha ko sa kaanindot niini. Kaayo unta kon daghan pa ang mga kahoy nga sama niini sa atong mga lokal nga mga dapit o lungsod. Daghan nato ang nahimong dagasangan sa kinaiyahan kay atong giguba ang naandang han-ay niini. Atong gihimong ngil-ad ang kaanindot niini gumikan sa atong kahakog. Giputol ang mga kahoy aron tukoran og mga dagkong mga puting elepante at the expense sa gitawag natong balanse. Salamat ni Sir Allan nga nipahinumdom kanako nga maayo nga kuhaan og nindot nga anggulo ang kahoy aron pag-establish sa sugilanon sa atong panaw nga kristohanon.
- Latest