Kay naghinangol man
Kini ang opinyon sa dalagita kon nganong wala pa gyud kuno siya’y uyab kay ang uban naghinangol ug nagdinaghan.
Tingali tiaw lang ang maong sugid niya apan dunay kamatuoran.
Kini tungod kay nahimong pluralistic ang kalibutan nga sa ato pa daghan kaayo og kapilian.
Ug kay daghan man kaayo ang kapilian mao nga daghan nato ang maglisud kon unsay himoon natong mahinungdanon ug kinahanglanon nga sibo ug uyon sa atong kahimtang.
Ang bisan unsang sobra makadaot gyud. Ug ang bisan unsang kuwang dili usab maayo.
Ang kinabuhi nga igo-igo lang dako na kaayo og kahimoan aron mamahimong balanse ug malipayon ang imong kinabuhi. Kay kon buot hunahunaon wala ka nay igong pangitaon pa ug pamatud-an kay ang imong kaugalingon maoy mamahimong pasundayag sa imong baruganan ug bili.
- Latest