Kon magsakit ang ngipon (1)

Ang depektoso nga ngipon, kon moandar na ang labihang kasakit ini, haska nga morag gibarenahan ang atong utok nga ingon sa mawala kita sa kaugalingon. Busa iprayoridad ang kahimsog sa ngipon. Nga kon ugaling magsakit na ang ngipon, ania ang angay buhaton nato:

* Moinom og organic nga coco oil  - Nga iwisi-wisi kini sa paglimugmog (swishing) ug ugomon kini sud sa 20-minutos. Kon gusto nga mas moisog pa nga pamatyon ang mga bakterya, dugangi’g tea tree oil o clove oil. Ighuman, ibugwak kini ang ingon sa gatas ang kolor, ug unya molimugmog og limpyong tubig.

* Clove oil – Karaang remedyo kining gigamit sa panambal, nga may pagkaisog kini nga lanaha nga morag di kita makaginhawa, apan pasagdi lang ang ilong moginhawa nga magbitay ang laway nga dili tunlon. Epektibo kaayo ning  pangontra sa bakterya, antiseptic, ug anti-fungal. Ipaslak sa lungag sa ngipon ang binolang gapas nga hinumod sa clove oil, dayon sapawag lain nga ugang gapas.

* Aloe-vera – Ang paglimugmog ug pag-ugom sa unod ini (aloevera gel/juice), sud sa upat ka adlaw, nasulayan na nga mawagtang ang panakit sa ngipon, nga mas labaw pa sa mouthwash nga ‘chlorhexidine’. Nga kada human og panutbras, sundan kini nga molimugmog og ‘aloe-vera gel’.

* Likayan ang subra ka hinam-is – Ang pagkahilig sa asukar, makadaut nga mangatangtang ang proteksyong enamel sa ngipon, sud lang sa 20-minutos mao nga dali ra kining makutkot nga kapuy-an sa mga bakterya, ni Dr.Nasser Zadeh niya pa, mas maayong mokonsumo og mga fermented probiotics (padaghan kini sa mga maayong bakterya), vitamin-D, fish oil ug ubang mga pagkaon alang sa pagpahimsog sa ngipon nga dili maunsaay ang iyang kalig-on.