Giprenda ang property nga way pagtugot sa asawa

Dear Atty. Divine:

Duna koy napalit nga house and lot sa among probinsya. Ang nagpuyo niini mao ang akong mama. Last year milarga ko sa gawas ug nagtrabaho ko didto sud sa usa ka tuig. Pagbalik nako mao nalay akong nahibaw-an nga giprenda sa  akong bana sa lending company ang maong house and lot mga wa gyud siya mananghid nako.

Titulado ang maong property ug ang original title niini atoa na sa lending company. Ang akong pangutana kon valid ba ang pagprenda sa akong bana sa maong property nga wa may pagtugot  gikan kanako?  Daghang salamat. — Janice

* * *

Dear Janice,

Basi sa atong Family Code, any properties acquired during marriage makonsiderar nga gipanag-iya sa magtiayon gawas lang kon duna silay marriage settlement or pre-nuptial agreement.

Sa imo nga kaso, imong napalit ang property during your marriage so kon wa moy pre-nuptial agreement then co-owner mo sa maong property ug tungod kay kamong duha ang tag-iya niini then dili makabuot-buot ang imong bana sa pagprenda sa house and lot nga way pagtugot gikan kanimo or else mamahimong void ang iyang pagprenda. 

Ang imong bana mamahimong mosud og kontrata alang sa pagpanghuwam og kwarta  bisan kon way pagtugot nimo apan kon ang iyang himoong collateral mao ang property nga gipanag-iya ninyong  duha then mamahimong void ang Real Estate Mortgage nga iyang gipirmahan tungod kay wa man kini pagtugot gikan kanimo. Thanks and God bless.  —   Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullss St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.