Kanus-a ang katabang ipamiyembro sa PhilHealth ug Pag-Ibig

Dear Atty. Divine:

Bag-o lang ko nakasud og trabaho isip katabang sa panimalay. Ang akong sweldo P4,000.00 matag buwan, pagkakaron wa pa man ko ipa-member sa akong employer sa SSS, PhilHealth Ug Pag-ibig, ang akong pangutana kon kanus-a man ko ma-covered sa maong mga benefits? Kinsa may dapat mobayad sa akong contribution sa SSS, PhilHealth Ug Pag-ibig? Kon dili ko ipamayembro sa akong employer unsa may akong buhaton? Daghang salamat. — Risa

* * *

Dear Risa:

Basi sa Section 30 sa Kasambahay law o Domestic Worker’s Act, kini nagkanayon nga ang usa ka katabang nga nakaserbisyo na og usa ka buwan sa iyang employer entitled na kini sa SSS, Philhealth Ug Pag-ibig, sa ato pa, kinahanglan nga mohatag na ang employer sa maong benepisyo sa iyang katabang kon 1 month na kini nga nagtrabaho kaniya sa panimalay og mandatory gyud kini basi sa balaod.

Samtang kalabot sa contribution niini, kon ikaw nagdawat og below P5,000 nga sweldo matag buwan then ang imong employer ra ang mo-shoulder sa monthly contributions apan kon ang sweldo sa katabang miabot og 5 mil pesos kinahanglan mobayad siya og proportionate share sa iyang monthly contribution. Apan kon pananglit wa tumana sa employer ang maong balaod then mamahimo ka nga mo-demand kaniya kay imo man kanang katungod or mopasaka ka og reklamo batok sa imong employer ngadto sa DOLE. Thanks and God bless.

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.