Mga benepisyo sa wild lettuce (2)

* Sikolohikal nga pahimsog – Nagbaton og abilidad ang wild lettuce sa pagmentinar sa atong maayong panghunahuna (psychological health). Ang stress ug ang kabalaka o kalibog, mao’y duha ka  hinungdan sa laygay (chronic disease)  nga pagkasakit sa hunahuna (psychological disorder). Busa giawhag kita nga magbag-o sa mga estilo sa atong kinabuhi (lifestyles), nga usa na ini, ang kanunay pagkonsumo sa wild lettuce, ug kausa kada adlaw, aron masustinehan ang himsog nga sekolohikal, nga di maguba ang inadlaw nga tahas.

* Problema sa UTI – magsakit ang pus-on ug sa panakit nga maglisud sa pangihi.  Nga kalagmitan ini, impeksyons sa kidney, nga nagkinahangla’g seryuso nga pagtagad, nga ang wild lettuce epektibo makatabang sa pag-alibyo niini nga problemaha. Isagol lang ni sa salad mo ug ubang putahe o ang pag tsa ini, bisa’g kausa kada adlaw. Likayan ang pagpataka og tumar sa mga tambal kay delikado basin og makasamot na hinuon sa problema.

* Sakit nga ‘atherosclerosis’ – Mao ni ang mga nanuskig o nanggahi nga mga arterya, namaga kini gumikan sa nahulmang kolesterol ug mga tambok (fats) nga mao’y nakabara sa pagdagayday sa dugo paingon ngadto sa mga tisyu ug sa atong mga ‘organs’. Makatabang ang wild lettuce, mokonsumo lang ini kada adlaw kausa, nga isagol sa salad o magtsa.

* Dili makatulog (insomnia)  - Daghang  nagkasakit ini gumikan lang nga wa’y maayong kinatulgan. Mokonsumo lang og salad nga may sagol wild lettuce o magtsa ini, aron makatulog maayo nga bisa’g damgo mangagiw dili modisturbo.

* Mga problema sa panit – Sa pagkonsumo sa wild lettuce, pahimsogon nga hamison ug padan-agon ang atong kutis nga presko ug madanihon.