The force be with you
Kini ang kasagaran natong madungog sa matag higayon nga kita nakigkukabildo sa mga talan-awon sa STAR WARS UNIVERSE.
Nagpasabot kini nga kitang tanan dunay kalambigitan sa usa’g-usa ug ang matag kalambigitan kinahanglan nga atong tahuron ug hatagan og igong bili. Apan lahi ang kalibutan nato karon, mas gihatagan og igong pagtagad ang pagginamitay.
Mas gihatagan og igong pagtagad ang imong kapuslanan kaysa imong bili. Mas higugmaon ka kon may mahimo ug mahatag ka kaysa higugmaon ka kay maoy angay alang unta kanimo.
Bisan asa nahimo kining sukaranan sa gitawag nilang harmonious relationship kon masulod ka sa sistema sa ginamitay ug pahimuslanay nga duwa sa survival. Nahikalimot kita nga isip mga kabahin ug tipaka sa kinadak-ang kusog sa uniberso atong destino ang paghimo niini ingon nga paagi sa pagkinabuhi ... ug kon mahimo na nato kining paagi sa kinabuhi, nan, mamahimong balanse unta ang tanan.
- Latest