Milagrosong resipe para sa lutahan ug kabukogan
Sama sa sakyanan, unsa man kabag-o o kabatan-on sa atong panglawas, madugayan ang atong mga piyesa o parte sa lawas, mokango ug manglugak na. Labi na kanunay lang nataligam-an nga maampingan kini nga mamintin ang kahimsog, para isagubang sa tanang panahon sa pakigbisog sa kinabuhi.
Dili nato paaboton, nga mopalyar na ang kondisyon sa lawas sa mga kalihokan. Apan lagi mao ma’y naandan natong i-aksyon kon duna na kita’y gipamati nga panakit sa kalawasan.
Sa sinugdanan, igo lang kita moping-it, apan igkadugayan magkagrabe kini nga makatiyabaw kita sa labihan na nga kasakit, Kay nagkagrabe nang gastado o nagkahuyang ang straktora sa mga lutahan ug kabukogan.
Ang atong bukog, nakahawid kini sa koneksyons, sa ligaments, tendons, ug cartilages, nga kada usa nakaplastar sa palibot sa kaugatan ug kaunoran. Kini aron makatabang sa pagsugakod nga kanunay lig-on, piskay ug baskog ang lawas, sa bisag unsay himuong posisyon sa atong paglihok.
Karon ipakita nato kaninyo, kining usa ka milagrosong resipe, nga mao’y mopaalibyo nga hupayon ning makamatay nga panakit sa kabukogan ug lutahan. Mga ingrediyentes – * Mga duha ka kutsara sa ‘cayenne pepper powder’…
* 1ka tasa sa ‘unfilter w/ mother apple cider vinegar’ o kaha 1/2 sa tasa sa’ cold pressed extra virgin oil…ug ½ sa pulgada sa luy-a nga kinagod.
Ang preparasyon – Idugang ang pinulbos nga cayenne pepper ug ang kinagod nga luy-a ngadto sa unfilter ACV o ang olive oil, nga gidangdang kadiyot sa kainit. Unya kutawa pag-ayo hangtud mapasta, ug iaplay kini sa apektadong parte.
Nga pasagdi sud sa 20 minutos, ighuman hugasa’g tubig-ininit, nga buhaton duha ka beses kada adlaw . Isulod sa ref ang subra, nga kada gamit kutawo’g maayo sa di’ pa ni i-aplay.
- Latest
