Mipahamtang og dakong interest sa utang
Dear Atty. Divine,
Ang akong mama nahospital ug miabot og P500,000 ang iyang hospital bills. Apan ang among kwarta nga na-produce sa dihang padung na i-discharge ang akong mama P300,000 lang hinungdan nga napugos mi og panghuwam og kwarta para sa kuwang sa among bayad sa hospital. Ang among silingan nga tigpatanto og kwarta didto mi midangop. Nagsabot mi nga bayran sud sa duha ka tuig ang among utang og dunay interest nga 6% lang matag buwan. After 2 months miingon man ang among silingan nga alkanse daw siya sa 6% nga interest ug himoon na niyang 8% ang interest matag buwan. Wa mi gipirmahan nga kasabutan attorney ug ang akong pangutana kon makapugos ba sila namo pagpaningil sa 8% nga interest matag buwan? Daghang salamat. — Jessie
Dear Jessie,
Ang imong silingan dili makapugos nimo sa pagbayad sa 8% nga interest sa imong utang matag buwan. Kini tungod kay basi sa Art. 1956 sa atong New Civil Code kini nagkanayon nga dili makakolekta og interest ang nagpautang kon wa kamoy kasabutan in writing. Buot ipasabot nga mamahimo lang siyang makapatung og interest sa utang kon kini inyong sinabutan ug aduna moy kasulatan nga pirmado ninyong duha. Sa imo nga kaso, wa moy pinirmahan nga kasabutan labot sa iyang gi-impose nga interest busa dili siya makapugos sa pagpabayad nimo sa maong interest. Thanks and God bless. —Atty. Divine
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug among tubagon ang inyong pangutana pinaagi sa akong column matag Miyerkules, Sabado og Domingo.
- Latest