SONA, Sana
BUKAS ay makikinig ang buong bansa sa sasabihin ni President Duterte sa kanyang ikatlong State of the Nation Address (SONA) simula nang siya’y nanungkulan bilang Chief Executive.
Tiyak maraming sasang-ayon at maraming magsasabing maganda at maayos ang pamamalakad ng Presidente sa bansa sa nagdaang dalawang taon.
May magmumungkahi na kahit paano may mga positive developments na ring naidulot ang administrasyong Duterte sa bansa.
At hindi rin maikakaila na putuloy pa rin ang pagbatikos kay Duterte mula sa hanay ng opposition.
Sinabi nga ng Presidente na hindi siya nagkaroon ng panahon na may transition sa kanyang pagka-mayor ng Davao City sa loob ng 23 taon at sa kanyang pagiging Presidente noong May 9, 2016.
Alam ng Presidente na patuloy ang bashing sa kanya lalo na mula sa mga gustong bumalik sa puwesto.
Ngunit sa pagkakataong ito, sa gitna ng ikatlong SONA ng Presidente, Sana, mas pairalin natin ang ikakabuti ng ating bansa.
Nag-iisa lang ang ating bansa.
Mahalin at alagaan natin ito.
- Latest