Sa dili pa ako matiklo
Pagpamalandong sa Malangkubong kaayohan
Kini ang gisulti sa akong nakaila kay buot siyang mokumpisal. Ako siyang giingnan ayaw paghunahuna og tiklo, ug mas labing maayo nga maniguro pud ka sa imong kinabuhi, kay lisud na kon ikaw ang maunhan.
Sa atong kinabuhi karon, diin nahimong daw naandang talan-awon ang pinatyanay, kita gidasig sa paghimo og duaw pamalandong sa kabalaan sa kinabuhi. Kon ang kinabuhi nindot man, mahinungdanon kaayo nga kini atong ampingan ug dili atong pasipad-an.
Kinahanglan nga himoon nato nga sa atong pagpuyo ning kalibutan sa mga buhi, hatagan nato ang matag usa og hinungdan kon nganong magpakabuhi pa, inay ato silang kawatan sa paglaum nga ilang gikahinaman.
Balaan ang kinabuhi busa ato kining palipangon. Balaan ang kinabuhi busa ato kining iampo ug kitang mga hingtungdan ang unta maningkamot nga malusad kining maong kawsa kay usahay ra ba ang wa’y hinungdang libaklibak, sinugdanan na sa pagpatay sa reputasyon sa matag tawo nga atong giputlan sa ilang dignidad gumikan lang sa wa’y hinungdang kasuko.
- Latest