Ang bili sa reunion

Nindot gyud baya nga mohimo og balik-lantaw sa atong kagahapon, labi na gyud sa atong gigikanan. Usa sa mga initiatives sa organizers sa PADS alumni homecoming mao ang pagduaw sa mga seminaryo panahon sa Ikaduhang Gubat, nga nahimutang sa Sibonga ug sa Argao. Lisud kaayo niadtong mga panahona, apan bisan pa sa maong kalisdanan, padayon ra gihapon ang pag-umol kanila. Mao nga sa umaabot nga reunion, duawon kining mga dapita.

Ang pagkasayod sa maong sukaranan mahinungdanon sanglit diha sa pag-isip niini ingon nga mga kabilin nagdapit kanato ang matag reunion sa pag-atiman sa bisan unsang giisip nato nga heritage.

Ug matag heritage, angayan kini nga panalipdan, dili lang tungod kay sila kabahin sa kasaysayan, kon dili, tungod kay sila sagrado ug bisan gani ang ekonomikanhong hinungdan dili igong rason aron gub-on ug pulpogon ang gihagoan sa atong mga katiguwangan.