Unsay madawat sa part time employee kon mo-retire

Dear Atty. Divine,

Ang akong mama, gikatakda na nga mo-retire next year. Dugay na siya nga nagtrabaho sa iyang company, but part-time job lang.

Kon mo-retire si mama, makadawat ba siya og retirement benefits sa maong company bisan part-time employee lang siya? Daghang salamat. —  Francis

Dear Francis,

Base sa Republic Act 7641, kon ang empleyado moabot na og 60 ngadto 65 years old, nga maoy mandatory age for retirement ug nakaserbisyo na siya og dili momenos lima ka tuig sa maong company, then mahimo na siya nga mo-retire sa iyang trabaho ug ang kompaniya obligado nga mohatag kaniya og retirement benefits, base sa ilang retirement plan.

Kon wa’y retirement plan ang employer, angay’ng mohatag ang employer og 1/2 month salary per year of service isip retirement pay sa kawani.

Base sa Implementing Rules sa maong balaod, kini nagkanayon nga covered niini ang tanang empleyado sa private sector, regardless sa ilang status ug designation, lakip na ang mga part-time employees.

Buot ipasabot nga ang imong mama, makadawat gyud og retirement pay sa iyang gitrabahoan bisan kon siya part-time worker lang. Thanks and God bless.- Atty. Divine

Alang sa inyong pangutana, ipadala lang sa Legal  Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo