Kalingawan sa mga senior citizen

Sa Inenglis pa, sumala sa ato na nga nahisgutan dinhi, Fun Activities for the Elderly, pinasikad sa programa ug mga tulomanon sa AARP, kun American Association of the Retired Persons, nga mahimong atong sundugon dinhi.

Giingon dinhi, atong kutloon: “There are many fun activities that elderly people can take part in to keep their minds sharp, bodies strong and spirits high. Whether it’s spending time outdoors, playing games with family and friends, or spending time working on a favorite hobby, doing things they love can benefit the overall wellbeing of all seniors.”

Mga kalihokan ug kalingawan nga maka-abtik sa panghunahuna, makapalagsik sa lawas, ug makapauswag sa spirit. Ato na kining nahisgotan niini, for emphasis, atong kutloon pag-usab ang pipila sa ilang mga fun activities, mga hobby sa Bird watching (maora og wa kaayo ni dinhi sa ato) ug asa man kaha ta mag-bird watching?

Picnics, ok ni.  Fishing (mga fishermen ra man ang mag-fishing dinhi sa ato). Treasure hunting (Samot nga dili kini nato mahimo dinhi). Gardening, ok ni. Outing to parks & other places of interest (mahimo ni nato dinhi). Arts and Crafts (indoor ni mahimo nato sa balay).

Ang tuyo dinhi is to keep us busy, aron dili matay-an ang atong utok ug lawas. Dugang niini, daghan pa kita’g mahimo kon aduna pa kitay tarong ug functional nga senior citizen, sama sa Painting, Drawing, Sewing, Knitting, Crocheting, Photography, Scrapbooking, Making greeting cards, Sponge painting stationary, Woodworking projects such as building birdhouses or making clocks, Making foam magnets, Flower arranging, Games and Puzzles for the Elderly.

Mao ni ang gihimong kalingawan, o fun activities sa mga sakop sa AARP. Kita dinhi, ang atong lingaw mao ra gyud ang paghuwat kanus-a manghatag sa cash assistance. Unya, mahitungod niining giingon nila nga Cognitive Activities for the Elderly, importante kaayo ni kay aduna kini kalabutan sa pangutok, nga kon magpabiling sharp ug lagsik, maka-reduce kini, o maka-delay sa pagtakboy sa dementia.

Gikinahanglan ang mental exercise. Giingon dinhi nga samtang ang uban wala magpakita’g mga timailhan nga ma-dementia, apan, ubay-ubay na (didto sa America) ang natakboyan ning maong sakit.

Ang dementia, matud pa is part of the ageing process, a loss in cognitive skills and abilities, makaapektar sa Reasoning, Awareness, Perception, Knowledge, Intuition, ug Judgment.

Ato kining padayonon paghisgot sa sunod natong mga lindog. Pasiuna, makaayo kuno sa Alzheimer’s disease ang coconut virgin oil.